[dropcap]М[/dropcap]ахъзуманив шагьрурдай яхъанахъисса 1-мур Цǀувкǀуллал жагьилтал буттахъал шяравалу цǀулаган дуваврил ххуллийсса давурттив дуллай сукку хьунни.

Ттигъанну кунма Махǀачкъалаливсса «Щунудагъ» банкетру бай залдануву (ванил заллухъру цǀувкǀулли, ва залгу шагьрурдайсса цǀувкǀул батǀай хъунккурчǀар) бавтǀуна республикалийсса ва кьатǀувсса шагьрурдайсса жямат. Шяраваллил агьалинахь цǀухху- бусу бувну, анаварсса чаралий дуван аьркинсса даву шяраваллил кǀичǀиртту чанна буваву духьукун, хǀукму бувна му даврияту хъиндайдихьугу дуван. Чаннацǀун дархǀусса даврияр барачатсса хъиндайдихьугу къадикǀанссархха.

Уттигъанну жагьилтал Цǀувкǀрав лавгун, кобрарду- лампарду дирхьуну чанна лахъан дунни шяравалу. Шяраваллил жямат ва даву дурсса жагьилтурайн барчаллагьрай бур. Ильдарова Аьишат ( учительница) : « Ххюцǀалунниха ливчусса шиннур ттул Цǀувкǀуллал школалий дарс дихьлай, хǀатталлил зуманицǀ яхъанай бухьукун, ттун цǀансса кǀичǀирттавух мудангу мугъаятну бачин багьайва, цǀаннал ябахǀайхту инсантал чарабакъул бакъа кьатǀувгу буклан къабикǀайва, дуван аьркинмургу цǀан лакьиннинна дуллай.

Утти шагьрурдая бувкǀсса жагьилтурал шяравалу чанна лахъан дунни, жулми дакǀругу чаннал пперх учин дунни. Цǀувкǀуллал шяраваллил тарих бяличǀан къабитансса давурттаха зунсса мурад бур вайннал, шагьрурдаймигу, шийва шяравумигу хǀала бувххуну дуллантǀиссару дан аьркинсса давурттив, ва жул аьмсса минар, цинявннал буттал къаттар. Жунма цинявннан аьмсса буттал къатлул кьадругу, кьиматгу лавайну бикǀантǀиссар».