Декабрьданул 24-нний АьФ-лул Финансирттал министерствалий Дагъусттан Республикалул ХIукуматрал председательнал хъиривчу ХIажимахIаммад ХIусайновлун цала чулухасса барчаллагь баян бунни.

З. АьбдурахIманова
Финансирттал ва экономикалул аралуву бивхьусса захIматрахсса награда Дагъус­ттаннал вице-премьернан дуллунни Аьрасатнал ХIукуматрал председательнал хъиривчу, АьФ-лул финансирттал министр Антон Силуановлул.

Шиккува кIицI лаган, ХIа­жимахIаммад ХIусайновлул АьФ-лул Финансирттал министерствалий зий 17 шин хьуссар. 2018 шинал июль зуруй респуб­ликалул вице-премьернал къуллугърай итаннин Финансирттал министерствалул бюджетрал политикалул департаментрал каялувчину ивкIссар.