Мюхчаншиврул дарсру хIаз буну лахьланшиврул

Уттигъанну МахIач­къала­ллал 2-мур, 9-мур, 25-мур, 27-мур, 30-мур, 40-мур, 56-мур ва 58-мур школарттайн бувкIунни оьрчIан ххуллурдал низам ла­хьхьин дуллалисса, мюхчаншиврул дарсирдай ишла буллансса «автогородокру». Шиву дур светофорду, бахьттагьалт лагай­сса ххуллурдал куцру, ххуллул лишанну ва цаймигу затру. Вай цирдагу дур куклусса, оьрчIаща, гьаз дурну, цанна аьркинсса журалий ишла дан бюхъайсса материаллая дурсса.


З. АьбдурахIманова
Классирттаву бакъасса, «автогородок» учительнаща ва оьрчIаща ишла бан бюхъай­ссар, гъили дагьни, школалул хIаятравугу.
Шиккува кIицI лаган, ДР-лул КIулшивуртту дулаврил ва элмулул министерствалул «автогородокру» бучIан бувссар «2015-2020 шиннардий ххуллурдай мюхчаншиврул даража лахъ бан» тIисса программалийн бувну.

Вара программалул лагрулий ххуллурдал низам лахьхьин дуллалисса тематикалул дарсру жулла республикалул школар­ттай дихьлай буссар 1-8 кла­ссирттал дуклаки оьрчIахь.