Дагъусттаннал полициялул зузалтрал ччя-ччяни дуллалиссар республикалул агьали закон­далуцIун къадаркьусса ярагъуннищалсса кьюкьравун кIункIу хьун къабитаву ва бяйкьу ххуллийн бувкми паракьатсса оьрмулийн кIура баен баву мурадрайсса профилактикалул давуртту.

АьФ-лул Уголов кодексрайн бувну террорданул иширттавух гьуртту хьуми уголов жаваблувшиндарайн кIункIу баврицIун, хушрай ярагъуннищалсса кьюкьрава бувкми, хIатта дунияллул халкьуннал дянивсса террористурал организациярдал чул бувгьуну талай бивкIмигума, уголов жаваблувшиндарацIа тархъан буллалисса кIанттурду буссар.

---

Масала, АьФ-лул УК-рал 205-мур статьялийн бувну («Террористический акт»), теракт хIадур давриву гьуртту хьу­сса инсан уголов жаваблувшиндарайн кIункIу къаайссар, агана мунал чIумуй властьрал органнайн баян бувну, ягу цамур куццуй теракт хьун къаритарча ва мунай цамур тахсир ба­къахьурча.
АьФ-лул УК-рал 205.1 статьялийн бувну («Содействие террористической деятельности»), ва статьялийн багьайсса тахсир хьусса инсан уголов жаваблувшиндарая тархъан ай­ссар, агана мунал чIумуй властьрал органнайн баян бувну ягу цамур куццуй цала арцуйну ягу укунма кумаг буллай ивкIсса тахсиркаршиврун ххуллу кьукьирча ва мунай цамур тахсир бакъахьурча.

АьФ-лул УК-рал 205.3 статьялийн бувну («Прохождение обучения в целях осуществления террористической деятельности»), ва статьялийн багьайсса тахсир хьусса инсан уголов жаваблувшиндарайн кIункIу къаайссар, агана мунал властьрал органнайн баян бувну бухьурча цува теракт дан ягу АьФ-лул УК-рал 205.1, 206, 208, 211, 277, 278, 279, 360 статьярдайн дагьайсса тахсиркаршиву дан хIадур уллай бушиву, кумаг бувну бухьурча дурсса тахсиркаршиву ашкара дан ягу, цува кунма хIадур буллай бивкIми, миннан лахьхьин буллай бивкIми, арцуйну кумаг буллай бивкIми кIул барча, бусарча цивппа чув хIадур буллай бивкIссарив ва мунай цамур тахсир бакъахьурча.

АьФ-лул УК-рал 205.4 статьялийн бувну («Организация террористического сообщества и участие в нем»), цува рязину террористурал ккурандалува увксса ва ккурандалия бувсъсса инсан уголов жаваблувшиндарайн кIункIу къаайссар, агана мунай цамур тахсир хьуну бакъахьурча. Хушрай террористурал ккурандалува увкшиврун къаккалли­ссар, му инсан увгьуну ухьурча ягу мунал хIакъираву силистта дачин дурну духьурча.
АьФ-лул УК-рал 205.5 статьялийн бувну («Организация деятельности террористической организации и участие в деятельности такой организации»), уголов жаваблувшиндарайн кIункIу къаайссар АьФ-лул закондалийн бувну террористурал организациялун ккаллисса организациялува цува рязину увксса инсан, агана мунай цамур тахсир хьуну бакъахьурча. Мукунсса организациялува цува рязину увкшиврун къаккалли­ссар, инсан увгьуну ухьурча ягу мунал хIакъираву силистта дачин дурну духьурча.

АьФ-лул УК-рал 208 статьялийн бувну («Организация незаконного вооруженного формирования»), уголов жаваблувшиндарайн кIункIу къаай­ссар цува рязину закондалуцIун къадаркьу­сса ярагъуннищалсса кьюкьрава увксса ва ярагъ буллусса инсан, агана мунай цамур тахсир хьуну бакъахьурча.