Декабрь зурул 2-нний Дарбантлив ОьрчIал ва мюрщи жагьилтурал творчествалул Дворецрал сахIналий хьунни Щалагу дунияллул миллатирттал культуралул ва искусствалул WORLD. FOLK. VISION. фестиваль-конкурсрал хьхьичIунми язи бугьлагьисса ятIап.

А. Аьбдуллаева
[dropcap]В[/dropcap]а конкурс-фестиваль цIакь дурну дур Культуралул, элмулул ва кIулшивурттал масъаларттаха зузисса Евразиянал советрал 2017 шинал. ХIакьинусса кьини фестивальданул вакилханарду бур 80 билаятрай. Фестивальданул мурад бур дунияллул личIи-личIисса регионнал цанна хасъсса, ляличIисса культура дунияллул халкьуннахь майшан чаву. Вана укун Дагъусттаннал халкьуннал культура майшан учин­сса сант диривунни конкурсрай гьуртту хьусса личIи-личIисса республикалул коллективир­ттахьхьунгу.

Ххари хьунсса ва пахру бан­сса иш бур конкурсрай Мурад Сулаймановлул каялувшинда­ралусса «Эдельвейс» тIисса ЦIуссалакрал райондалул искусствалул школалул оьрчIал хореографиялул ансамбльданул цалчинсса кIану бугьаву. «Эдельвейс» нукIура машгьур хьусса, уттинингу цикссагу конкурсир­ттай ххув хьусса ансамбльли. Ва ххуллухьгу вайннал бюхттул дунни райондалул цIа. Ансамбльданун буллунни 1-мур даражалул диплом ва ххув хьуминнан­сса кубок.
ДакIнийхтуну барчагу буллай, цайми-цаймигу хьхьи­чIун­найшивуртту чIа тIий буру каялувчинан ва оьрчIан.