Миллатрал цIа гьаз дансса арсру чан къабаннав!

Уттигъанну Польшанал Румия тIисса шагьрулий хьу­сса Европанал чемпионатрай шамилчинмур кIану бувгьуну, чарвитул медальданущал зана хьунни жула лакку оьрчI ХIажиев Зураб. В

ава шагьрулий ларгмур шиналгу лачIунбуккултрал дянив хьусса чемпионатрая кIилчинмур кIанттущал зана хьуссия арцул медальданущал.


Залму АьбдурахIманова
Увну ур Зураб Вихьлияту­сса ХIажиев Шяпинал ва Аьйшал кулпатраву. Шяпи ур райондалул ветуправлениялий зий, Аьйша – Хъунайннал школалул завучну.
Шяраву школагу къуртал бувну, Зураб дуклан увххун ур Да­гъусттаннал Аграр университетравун. Шяраваллил кIанай буниялагу спортрахун агьансса циняр шартIру къадиркIнугу, Зураблул спортрансса чIун гьар кьини ля­къайсса диркIун дур. Ххуйну дугу-дуклай, ва занай ивкIун ур спортзалданувунгу.

Цаппара хIаллава, цал шагьрулул, яла республикалул личIи-личIисса турнирдай, первенстварттай гьуртту хъанай, цалнияр цал хьхьичIун уклай, спортрахмур гъира ялтту буклан бивкIун бур. Муния махъ гьуртту хъанан ивкIун ур Аьрасатнал регионнайсса турнирдайгу. Ванал тренернугу ур республикалул спорстментурал дянив бусравсса, 6-ла Дунияллул ва Европанал чемпион хьу­сса, Дагъусттаннал лайкь хьу­сса тренер Оьмар Нураттинов.

[dropcap]Л[/dropcap]ачIунбуккултрал турнирдай акъасса, Зураб гьуртту шайсса ур кадишаврил турнирдайгу. Армрестлинграл спортрал журалувугу хьхьичIунсса кIанттурдан, личIи-личIисса наградарттан лайкь хьуну ур. Ва ур спортрал мастер.
ЯтIул дипломращал Аграр университетгу къуртал бувну, Зураблул утти къуртал бавай ур ДГПУ-рал физвоспитаниялул факультет.
ЦIана Зураб чIал къархьуну Къалмукьнаву хьунтIисса лачIун­буккултрал первенствалийн хIадур хъанай ур ва март­рай Аьрасатнал чемпионатрай гьуртту хьун, цалчинмур кIанттун лайкь хьун умудрай ур.