ОМС-рал даврил низам укунссар: инсаннал цIуллу-сагъшиврун ккаккан дурсса хIукуматрал арцу итадакьайссар так ца медициналул идаралун.
Инсаннан амбулаторно-поликлиникалул кумаггу буван ккаккан бувну буссар так ца поликлиникалул. Мунияту электрон очерданий ацIаншиврул жунма язи бугьан багьлай бур ца поликлиника. КIива-шанма поликлиника цал архIал ккаккан бан къабюхъайссар очерданий ацIайни. Гьарца инсан цумур-цагу поликлиникалийн агьлагьиссар – къатлул чIаравсса, га яхъанахъисса райондалийсса. Амма, закондалийн бувну, жухьра дуссар ихтияр жунма ччисса поликлиника язи бугьангу. Мукун язи бувгьумур поликлиникагу чара бакъа ФФОМС-рал реестрданийн лавсун бикIан аьркинссар. Жула къатлуя архсса, амма жува язи бувгьусса поликлиникалул жува къакьамул бангу ихтияр дуссар так гикку халкьуннал чIявушиврул кIану бакъасса авара духьурча. Закондалийн бувну, гьарца поликлиникалунгу халкьуннал ккаккан дурсса ккал дуссар.
Агарда поликлиника баххана бан ччай бухьурча, аьркинссар гиккун аьрза чичин. Мунищал архIал ккаккан бан аьркинссар хасъсса чагъардугу.
14 шин хьун дураминнан:
— оьрчI баврил чагъар
— цания ца нитти-буттал паспорт
— оьрчIал ОМС-рал полис.
Хъуниминнан:
— паспорт
— ОМС-рал полис
