МахIаммадсултаннул душ Амирова Сайрана
Цилва дусъсса душнил хъатIийнгу лавгун, зана хьуну нанисса ххуллий жуятува батIул хьунни ххаллилсса лакку душ, дахьва аргъирайсса оьрмулувун бухлан хIадур хъанахъисса инсан
– Амирова Сайрана МахIаммадсултаннул душ.
Сайрана бувссар 1989 шинал. Буттал шяраву школагу къуртал бувну, МахIачкъалалив шяраваллил хозяйствалул институтрал экономикалул факультетгу бувккуну, дахьва даврийн буххан хIадур хъанай буссия.
[dropcap]С[/dropcap]айрана бия пиш тIий бакъа зума къабахъайсса, гьарца ишираву бавкьусса зунттал душ. Нязаннивсса бивкIулул нясив хьун къабивтунни ванин цила оьрмулул кюру щащан.
Дазу-зума дакъасса къумашивугу кIидачIлай, жижара буллай буру Сайранал нитти-буттахь, уссихь, махъсса цинявппагу гъан-маччанахь. Цил рухI рахIатний дишиннав. Имандалий лавгун хьуннав.
Къарачи-ХIажинал душ Загьра
Декабрь зурул 18-нний, захIматсса цIуцIаврища ххассал хьун къавхьуну, оьрмулул 78 шинаву аьпалухьхьун лавгунни Къарачи-ХIажинал ва Увайсхъал Бадрижатлул душ Загьра.
Загьра бувну бур 1940-ку шинал Ваччиял шяраву.
Нинугу жагьилну дунура оьрмулува ларгун, Загьра ятинну хъун хьуну бур. Амма, цила дуккавугу дурну, лагмаминнал хIурмат лайкь хьунну хъун хьуну бур, къатта-къушлилгу хьуну бур. Сайки ххюцIалла шинал мутталий Загьра зий бивкIссар Дагъусттаннал радиовещаниялий звукооператорну.
«Радиолул лайкь хьусса зузала» тIисса цIагу хIалал дурссар ванил. Загьра бия дакI хъинсса, инсантуращал хIал бавкьусса инсан. Арс Мурадлуха ва мунал оьрчI-душвавраха аякьалийсса нинугу бия ва. АрхIал зий бивкIминнал дянивгу хъунмая ванил хIурмат.
Загьрал бивкIулул кьурчIишивугу кIидачIлай, дакIнийхтунусса жижара буллай буру арснахь Мурадлухь ва ванал лагмацириннахь, агьлу-авладрахь. Алжаннул ххари баннав, гьаттай нур дизаннав. Махънал оьрмурдай барачат бишиннав!
Ваччиял жямат
Жугу зущал буссару
Хъинну чIявуссаннан бювххунни ЧIяйннал жяматрал ялун ливксса бала-апатIрал хавар. КьурчIи бивзунни му тачIав хъамабитан къахьунсса хавар жул Ваччиял жяматрангу. ЧIахху-чIаравсса, мудангу хIала-гьурттуну бивкIсса жул агьалиналгу ЧIяйннал жяматрал ялун дирсса дард-хIасрат кьамул дурссар цалламур кунна.
ЛивтIуминнал рухIру бигьаний дишиннав, цIунцIияртту хьуминнай цIими бишиннав!
Жугу зущал буссару!
Ваччиял жяматрал цIания Давди Увайсов
Вай гьантрай ахиратрал хьунни хъунасса аьлимчу, СССР-данул ПаччахIлугърал премиялул лауреат, химиялул элмурдал доктор, М.М.Шемякиннул цIанийсса Аьрасатнал элмурдал академиялул биоорганикалул ва химиялул институтрал элмийсса хъунама пишакар, Хъусращиял шяравасса
Аьбдуллаев Нажмуттин
ХIажимахIаммадлул арс
Нажмуттин дунияллия лагаврил кьурчIишиву кIидачIлай, жижара буллай бура ванал наслулухь ва цинявппагу гъан-маччанахь.
Имандалий лавгун лякъиннав, алжаннул ххари аннав.
Качар ХIусайнаева
Рамазаннул арс Шуаьев Закир
Декабрь зурул 23-нний хар-хавар бакъа аьпалувух ивхьунни дакI-аьмал ххуйсса инсан, кулпатрал мусил магъи, ниттин ишин-итан кIану бакъасса арс, ссин аьзизсса уссу, уссин чул бищай кIану хьусса чув-адамина, ГьунчIукьатIрал шяраватусса Шуаьев Закир Рамазаннул арс.
Закир увну ур ГьунчIукьатIрал шяраву 1960 шинал Рамазаннул ва Жамисатлул кулпатраву. Лаккуй школагу къуртал бувну, шагьрулийн ивзун махъ зий ивкIссар тамансса кIанттурдай. ХIурматрайгу ия цинявппагу кIулминнал дянив.
ДакIнийхтуну хъуннасса кьурчIишиву кIидачIлай, жижара буллай буру ниттихь Жамисатлухь, кулпатрахь Аьйшатлухь, арсурваврахь, уссихь АхIмадлухь, ссихь Асиятлухь, ссурахъу Юсуплухь, вайннал наслулухь, цинявппагу уссурссуннахь, гъан-маччанахь. Хъинну кьурчIи бивзунни Закирдул бакIрачIан бувкIмур, жугу зущал хIайп тIий буру мунал жагьилсса оьрму. Ссавур Заннал дулуннав зухьхьун. Закирдул гьав нурданул дуцIиннав!
Шанашу нахIу шаний
Арснал чIарав иминну,
Му акъа дунияллий
АцIан къавхьусса буттай.
ХьхьичI дунияллийн увкма
Дардру ккухIлай кьаивтун,
Заннал уздан миналий
Бути тти хъунмур оьрму.
ГьунчIукьатIрал, КIямашрал, БахIикIуллал жямат
ДакIнийхтунусса пашманшивугу кIидачIлай, жижара буллай буру Амирхан Амирхановлухь, ванал аьзизсса ппу
АхIмадхан
аьпалухьхьун лагаврийн бувну. Цал бунагьирттал аьпа баннав, рухI рахIатний дишиннав.
«Илчилул» редакция
Оьмардул арс Валиев АьвдурахIман
Оьрмулул 93 шинаву аьпалухьхьун лавгунни Оьмардул арс Валиев АьвдурахIман.
Увну ур АьвдурахIман Гъумук, ванал оьрчIшиву ларгун дур Ккурттанив (Губденнай), миккун вайннал кулпат бивзун бивкIун бур. Буттал КIанттул цIанийсса дяъвилул чIумал оьрмулул 15 шинавусса АьвдурахIман заводрай станокрах авцIуну ур, муниннин шлифовщикнал пишагу лавхьхьуну. Ванал оьрмулул хъунмур ххуллу бавхIуну бур «Дагдизель» заводрацIун, шикку 65 шинал лахъишиврий захIмат буллай ивкIун ур ва. ЗахIматрал ветеран Валиев АьвдурахIман цимилгу лайкь хьуну ур медаллан ва грамотарттан. Заводрай ванал бивкIун бур цалвалусса мугьру (клеймо). Ванал сурат заводрал ХIурматрал улттуя чан хьуну дакъар.
ДакI хъинсса, мюхтажнал хьхьичIун кумаграл ка тIитIин дуван хIадурсса АьвдурахIманнул бусрав ва хIурмат архIал зузиминнал дянив лавайну бивкIссар мудангу. Ва ия ххаллилсса кулпатрал ххаллилсса заллугу, личIлулсса ласгу ва мукьва оьрчIал аякьалийсса ппугу.
АьвдурахIманнул бивкIулул кьурчIишиву кIидачIлай, жижара буллай буру кулпат Назипатлухь, душварахь Зумрудлухь, Сабиратлухь, Марияннухь, махъсса цинявппагу гъанминнахь, маччаминнахь. Ванал барачат махъ ливчIун лякъиннав, бунагьирттал аьпа буваннав.
Гъумучиял жямат, даврил уртакьтал, дустал
Цинявннаннагу цачIусса дард-хIасрат
Хъинну захIматсса ва кьурчIисса кьини дирунни щалагу ЧIяйннал жяматрал ялун. ХIат-хIисав дакъа чIявусса агьалигу бувкIунни личIи-личIисса кIанттурдая гъан-маччаминнахь дард-хIасрат кIидачIин. Шанмагу бивкIулул заллухъруннал чулухату хъинну хъунмасса барчаллагь тIиссару жул аьзрулул кIушиву кIидачIин бувкIцириннахь. Укун оьлусса кьинирду нясив къаданнав цавагу жяматран!
ЧIяйннал жяматрал
цIания МахIаммад Оьмаров
Хъуннасса кьурчIишивугу кIидачIлай, дакIнийхтунусса жижара буллай буру Рамазаннул арс Рамазанов Асланнухь, ванал аьзизсса уссу
Сажид,
хархавар бакъасса апатI хьуну, аьпалухьхьун лагаврийн бувну. Имандалий лавгун лякъиннав, махънал оьрмурдай барачат бишиннав.
«Илчилул» зузалт
