ТIалавшин ххисса проектру

ТIалавшин ххисса проектру

Журналистътурал къатлул чIаравсса МФЦ-лул залдануву хьунни «Яндекс. Лицей ва Яндекс. Учебник» тIисса проектирттал презентация. Мероприятиялий гьуртту хьунни республикалул ХIукуматрал ва БакIчинал

Администрациялул хъунаманал хъиривчу Валерий Горнак, вице- премьер, КIулшиву дулаврил ва элмулул министр Уммупазил Оьмарова, Дагъусттаннал коммуникациярттал ва связьрал министр Сергей Снегирев.


П. Рамазанова
Валерий Горнаклул кIицI лавгунни информацион технологияр­тту жагьилтурал дянив сийлий душиву, жагьилталгу цифрардал технологияртту лахьлан гъира буну бушиву, гьашину Дагъусттаннаясса дуклаки оьрчI Аьрасатнал информатикалул олимпиадалий ххув хьушиву. Сергей Снегирёвлул бувсунни Яндексрал проектру жагьилтуран ттизаманнул оьрмулувунсса къапурдуну хьунтIишиву, IT- технологияртту лахьхьин ччисса жагьилтуран миннуя биялсса кумаг хьунтIишиву ва муницIухва инсантал давуртталгу дузал бувантIишиву.

Уммупазил Оьмаровалгу бувсунни вай проектирттал педагогтурал информацион кIулшивурттал даража гьаз бувантIишиву. «Яндекс.Лицей» проектрал хъунмур Марина Сусловал кIицI лавгуна ва проектрал лавайми классирттаву дуклакиминнан, бакIраяту байбивхьуну, программированиялул гьанурду лахьхьин буллантIишиву.
«Яндекс. Учебник» проектрал хъунама Дмитрий Растворовлул бувчIин бунни педагогтуран лахьхьин дуллан тIий бушиву информацион технологиялул кьюлтIшивуртту.

Читайте также: