Лакку кIанттул чIалачIин исвагьи дуллай

Лакку кIанттул чIалачIин исвагьи дуллай

Лакрал райондалул зузалтрал нюжмар дайдирхьунни субботникрая. Райондалул бакIчи Юсуп МахIаммадовлул каялувшиндаралу кIира-шанна кьини­сса субботникру хьунни Гъумук Жагьилтурал парк буллалисса кIанттай.

Му парк буллалиссар «Формирование комфортной городской среды» тIисса федерал проектрал лагрулий.
— Ва проектрал мурад бур жула лагма-ялттусса кIанттурдал чIалачIин ххуй дан­сса, чIявусса агьали батIайсса кIанттурдай бигьалаган къулайсса шартIру дузал дансса, — увкунни Юсуп МахIаммадовлул. Бувсунни укунмасса паркру бантIий бушиву ялапар хъанахъисса инсантурал ­аьдад азаруннийн дирсса шяраваллавугу. Багьлай бусса бур анжагъ дизайн-проект цила чIумал сакин дан.

Парк баврицIун дакIнийну бур Гъумучиял дяххуллул лагма-ялттусса чIалачIингу ххуй дан.
Субботникрайн бувкIминнал, чар­ттацIа марцI бувну, кьа бунни парк бан­сса кIану. Къувирду дурккун, бувгьунни къатIри ва мурхьру.

Лажин хIадур дурссар
Зулайхат Тахакьаевал

Читайте также: