[dropcap]Н[/dropcap]оябрь зурул ахирданий Гуржиял элмурдал Национал академиялуву хьуну дур дунияллул халкьуннал дянивсса лингвистътурал- кавказоведтурал симпозиум «Проблема частей речи в иберийско- кавказских языках» тIисса цIанилу.
Ва симпозиум цурдагу хас дурну дур академик Арнольд Чикобавал 120 шин шаврин.
П. Рамазанова
Дайдихьу дуллалисса махъ лавхъун бур Гуржиял элмурдал академиялул президент Георгий Квеситадзел. Ихтилатру бувну бур Ттуплисуллал паччахIлугърал университетрал ректор Г. Шарвашидзел, Парламентрал кIулшиву дулаврил, элмулул ва культуралул комитетрал председатель М. Джашил ва цаймигу махъ нанисса аьлимтурал.
Ихтилат бувну бур тикку жула лакрал ва Дагъусттаннал хъунасса аьлимчу Эса Аьбдуллаевлулгу. Ва ур Дагъусттаннал делегациялул хъунамагу.
Дунияллул халкьуннал дянивсса 5-мур симпозиумрай гьуртту хьуну бур Франциянавасса, Швециянавасса ва цаймигу кьатIаллил билаятирттаясса хъамал.
