Аьрасатнал Конституциялун хас дурсса шадлугърай

Аьрасатнал Конституциялун хас дурсса шадлугърай

Декабрьданул 12-нний ДР-лул ХIукуматрал Председательнал 1-ма хъиривчу Анатолий Карибов гьуртту хьунни Къумукьнал драмтеатрдануву Аьрасатнал Федерациялул Конституциялул Кьинилун хас дурсса шадлугърай.

Шадлугърал вечерданий махъ лахълай, цалчинма вице-премьернал циняв бавтIми барча бунни АьФ-лул Конституциялул Кьинилущал Дагъусттаннал БакIчи Владимир Васильевлул, ДР-лул Халкьуннал Мажлисрал ва ХIукуматрал цIанияту.

«ЦIусса Конституциялий ккаккан бувсса принципирттал ва нормардал цIакьшиврийну, билаятрал каялувчитурал политикийсса биялалийну ва бувгьуну нанисса ххуллу-ххуттацIун агьалинал кабакьаврийну Аьрасатнаща бювхъуссар хьун цIакьсса, цила биялалийну къуццу тIутIисса паччахIлугъ, дузал дуван хьхьичIуннайшивурттайнсса шартIру. Жулла паччахIлугърал тарихраву цалчин инсан ва мунал ихтиярду ва тархъаншивуртту ккалли дурссар лавайсса даражалул ххазинану.

Му принципрал агьамшиву кIицI дунни Аьрасатнал Президент Владимир Путиннул «Единая Россия» партиялул ирглийсса съездрай», — увкунни Анатолий Карибовлул.
Цалчинма вице-премьернал тIиму­нийну, хIакьину Дагъусттаннал щала билаятращал архIал лахълай бур хъинну жаваблувсса тарихрал мутта, властьрал циняв органну марцI буккан буллай бур коррупциялуцIа. Му даву ттинияр тихуннайгу дуллан тIий бур республикалий хьхьичIуннайшивуртту даву мурадрай.

Яла ккаккан дунни шадлугърал концерт, микку гьуртту хьунни республикалул творчествалул бур куми балайчитал ва къавтIалт. Шадлугърал вечерданий гьур­тту хьунни ДР-лул культуралул министр Зарема Буттаева ва ДР-лул захIматрал ва социал иширттал министр Изумруд МухIуттинова.
ХIадур бувссар ХI. Аьдиловлул

Читайте также: