[dropcap]О[/dropcap]ктябрьданул 17-нний ДР-лул ХIукуматрал председатель Артем Здуновлул дунни нюжмардий цал дайсса батIаву.
Микку ххал бивгьунни АьФ-лул паччахIлугърал программартту дузрайн дуккан дуван республикалун личIи дурсса субсидиялул арцу цила ххуллу-ххуттай харж даврил масъала.
Ихтилатчитурал тIимунийну, гьашину Дагъусттан гьуртту хъанай бур АьФ-лул паччахIлугърал 16 программа бартдигьаврий. Цила низамрай къулбасру дурну дур федерал органнащал 47 кьутIилий, федерал бюджетрава республикалул бюджетравун субсидияртту дичаврил хIакъиравусса.
ХIакьинусса кьини 42 кьутIилул лагрулий республикалул давуртту бартдигьинсса арцу дичлай бур. Ми программарттаха зузисса органнал каялувчитурал премьер-министрнахь бувсунни давуртту ссайн дирну дуссарив.
БатIаврий ххал диргьунни «Инсантуран социал кумаг баву», «Экономикалул лябукку ва инновациялул экономика», «2025 шинайнинсса Ухссавнил Ккавкказуллал федерал округрал лябукку» тIисса АьФ-лул паччахIлугърал программартту. Уттинин харж дурну дур сайки 71% цинярда арцул.
