Октябрь зурул 4-5-нний Да­гъусттаннай хьунтIиссар «Экстремизмалийн ва терроризмалийн цифрардал дунияллийгу къаршину бацIаву» тIисса цIанилусса Дунияллул халкьуннал дянив­сса V-мур элмий­сса конференция.

Гьарца шинах дайсса ва мероприятиялул сакиншинначиталну хъанахъиссар ДР-лул Информатизациялул, связьрал ва массовый коммуникациярттал министерство. ВайннацIун кабакьу буллай бур Аьра­сатнал террорданийн къаршисса Национал комитетрал.
Конференциялул агьаммур мурадну бур терроризмалул ва экстремизмалул идеологиялийн информациялийну къарши бацIаврил Аьрасатнал ва цайми билаятирттал опыт ххал бигьаву.

Микку гьуртту хъанахъи­сса спикертураву бикIантIиссар Ливаннаясса, Пакисттаннаясса, Сербиянавасса ва Иракьнавасса экспертътал. Мукунма гьуртту хьунтIиссар Аьрасатнал террорданийн къаршисса национал комитетрал, Да­гъусттаннайсса террорданийн къаршисса комиссиялул, Дагъусттаннал ХIукуматрал, «Инфорус» АО-лул, Саид Апаннинал цIанийсса Да­гъусттаннал теологиялул институтрал ва цаймигу идарарттал вакилтал.
КIилчинмур кьини, октябрь зурул 5-нний, бикIантIиссар интернетраву экстремизмалул ва терроризмалул идеологиялийн къарши бацIаврил хIакъиравусса тIивтIусса лекцияртту.

ХьунтIиссар Дагъусттаннай­сса террорданийн къаршисса коми­ссиялул даврил опытрая бусласи­сса, «Дагъусттан» ГТРК-лий хIадур дурсса фильмрал презентация. Конференция най дуссар Тюбе поселок­рай (Бизнес-отель « Сарыкум » ).

А. Аьбдуллаева