ЧIумуй дузал хьун аьркинссар

«Мюхчаншиву ххисса ва ххуйсса ххуллурду» тIисса федерал программалул лаг­рулий МахIачкъалалив ку­чарду бакьин буллалисса даврин харж къавхьуну ливчIсса 13 ми­ллиондалух хIукму хьуну бур шагьрулул 13 куча уттигу бакьин буван.
З.АьбдурахIманова
[dropcap]В[/dropcap]ания ДР-лул ХIукуматрал председательнал хъиривчу Рамазан Жяъппаровлул бувсун бур вай гьантрай ДР-лул бакIчи Владимир Васильевлущалсса хьунабакьаврий.
Бакьин бантIисса кучардал сияхIращал кIул бувну бур подряд­рал организациярттал пишакартал.

Циняв кучарду бакьин бувну, ца чулийн багьантIиссар октябрьданул 20-нин. Ва шинал бакьин бан кка­ккан бувсса республикалул ххуллурду тIурча – ноябрьданул 1-нин. ХIакьинусса кьининийн хъун шагьрулий бакьин бан ливчIун бусса бур 10 куча.

«Вай давуртту ччянира къуртал хьун аьркинссия. Амма цаппара кучардай асфальт бакьинниин цIусса бургъурду бишин багьну, тротуарданийн буклакисса къатрал хьхьичIсса халкьуннал багъру, ахъру букьан бангу диялсса чIун харж хьунни»,- кунни Р.Жяъппаровлул.