Ларгсса нюжмардий КIама­хъаллал шяраву хьунни лак­рал миллатрал журардал спорт­рал турнир. Мунил сакиншинначи ия лакрал цIа дурксса спортсмен ва ДР-лул Панкратиондалул цачIундур командалул каялувчи тренер Аьбдулкарим Айгунов.

Учительтурал кьинилун хас дурсса турнирданий гьуртту хьунни лакрал школарттал дуклаки оьрчIру ва душру, мукунма щархъал жагьилтал. Жагьилтурал дянив бяст-ччал хьунни чару личаврил, пут личIаврил, пут гьаз даврил, манзилданий тIанкI учаврил, лечаврил. Мура кьини лакрал шяраваллал жагьилтуран хьунни бунияласса спортрал шадлугъ.