Аьрасатнал цифрардал лябуккулун, дахIаврил ва массовый коммуникациярттал министр Алексей Волиннул бувсунни 2019 шинал аналограл телевещаниялия цифрардалмунийн бучIаврил хIакъираву.
Инсантураща аьркинсса кьай-кьуй ласун хьуншиврул федерал каналлу зунтIиссар уттинин диркIсса куццуй январьданул 14-15-ннийнин. «Цифралул эфирданул телевидениялийн букIлакIиссар Аьрасатнал инсаннаща билаятрал ччимур кIанай телевизорданул 20 канал ккаклан бюхъаншиврул ххуй-хъинсса даражалий», — увкунни Алексей Волиннул. Мунал мукунма кIицI бунни, цIусса форматрайн бувкIукун, абонентшиврул багьа къаласайшиву.
