[dropcap]О[/dropcap]ктябрьданул 18-нний МахIачкъалаллал аэропортрай ДР-лул туризмалул ва халкьуннал касмурдал министр Рабият Закавова хьунабавкьуну бур Ухссанил Ккавкказуллайн пресс-турданий бувкIсса чил хIукуматирттаясса журналистътуращал.

З.АьбдурахIманова
[dropcap]В[/dropcap]а аьрххилий Ухссавнил Ккавкказуллайн Китайнава­сса Чехиянавасса, Венгриянава­сса, Японнавасса, Испаннавасса, Къазахъисттаннаясса ва Аьраб­нал Эмиратирттаясса журналистътал бувкIун бур. СКФО-лийнсса аьрххилул мурадгу чил хIукуматирттал журналистътуран жулла республикарттал культурарду, тIабиаьт, аьдат-эбадатру ккаккан дансса, миннущал кIул бансса, жуцIунмасса стереотипру буллан бур.
Журналистътал бивунни Дарбантлив. Москавлив нани хху­ллийгу аэропортрай хьунабавкьуну бур жула министрнащал. Шикку вайннал жулла республикалиясса, хаснува Дарбантлия­сса, асардая бувсун бур.

«Жун гьарнан жунма-жун­масса Дагъусттан ккавккунни. Дубайраясса журналистънал, мисалдаран, Дарбантуллая неъмат лавсунни, Китайнавасса журналистнал къулагъас дурунни зучIа промышленность щурущи дувансса каширду чIярусса душиврий, Испаннавасса журналистналгу хIисавравун лавсунни ккавкказуллал ва цала халкьуннал хъинну лархьхьусса хасиятру душиву», -буслай ур вайннал делегациялул вакил.
Журналистътал Дагъусттаннайн бучIаннин бивну бур Чачаннавун ва Ингушнавунгу.