Билаятрай дуклаки оьрчIал дяниву «Национальная технологическая инициатива» тIисса цIанилу уттизаманнул мурадру хьхьичIун ласласисса инженериялул олимпиадалийнсса хIадуршинна най дуссар. Ванил программа щурунтIиссар 2035 шинайнин.
З.АьбдурахIманова
НТИ-лул олимпиада шанна ятIапрайх дарчIуну дуллантIиссар: аьмну гьурттучитал язи бугьлагьисса, индувидуалсса ва финалданийн бувкминнал кьюкьри сакин дурну, ми язи дугьлагьисса.
Финалистътал буниялагу зунтIиссар инженертурал оборудованиялущал. Олимпиада нантIиссар 19 профилданийх дарчIуну.
Ваний гьуртту хьун ихтияр дуссар 8-11 классирттаву дуклакиминнахь. Гьурттушиву дан ччинал аьркинссар вайннал сайтрайн http://nti-contest.ru/ цалла цIа-бакI тIайла дуккан.
КIилчинмур ятIап дусса дур хъинну хIазсса, гъира бутансса задачартту бусса, дусса дур мукунна «онлайн-дарсругу».
НТИ-лул олимпиадалий ххув хьуминнаща бюхъантIиссар, экзаменнугу къадуллунура, цала язи бувгьусса вузирдавун буххан ягу цанма ялун буллусса баллу, гивун буххайни, ишла бан.
Олимпиадалий гьуртту хъанахъиссаксса хIаллай Stepik- платформалий зунтIиссар оьрчIансса онлайн-курсругу. Вайннул оьрчIру кIул бантIиссар школалул программалийн къадагьайсса ххисса кIулшивурттащал.
