«Илчи» кказитрал махъсса номердай рирщуну дур Рутуллаясса Фазил Дашлай тIутIисса инсаннал сакин дурсса дяъвилул майданнай ятIа-тIар бакъа хьусса арамтурал сияхI. Цалсса дурну дур Ккуллал райондалулмур сияхI. Дуллалисса даву гьакссагу захIматсса душиву чIалай бур. Ккуллал райондалийсса жяматирттал чулуха Фазиллухь хъунмасса барчаллагь учин ччай ура, чIярусса шиннардий дурхIуну нанисса жул дардру чанссарагу хьхьара даврихлу, ина дуллалимуницIун Аллагьнал кабакьиннав, дяъви тIисса махъ вил оьрчIал оьрчIан къабаяннав.
Вай чичрурду цирда дурсса куццуй оьрус мазрайра рищавугу тIайланугу, къулайнугу чIалай дур.
СияхIрай ттул янилун дагьунни ттула вихшаласса дуснал Германнул буттал Ибрагьимов ХIуса Ачуевичлул цIа. Ва хъинну Ккуллал жяматран бусравсса жагьил ивкIссар, аьпа биву. Чансса ялавай бусанна «Ккуллал шяраваллил тарих» тIисса луттирай 1998-ку шинал цукун чивчуну бивкIссарив нава Ибрагьимов ХIусая. Фазиллул лявкъумур бур укунсса:
Ибрагимов Гусейн Ачуевич, 1908 г.р. Место рождения Дагестанская АССР. Воинское звание – подполковник. Умер от ран 03. 08.1943 года. Похоронен Курская область, Троянский р-он, д. Лопухенка.
В уточняющих данных в самой карточке вписано – заместитель командира полка по строевой части. Призван Кулинским РВК Дагестанской АССР. Причина смерти – осколочное ранение черепа.
Также данные героя записаны и в Книге памяти Орловской области, том 10.
По данным Книги памяти республики Дагестан Ибрагимов Гусейн Ачуевич 1908 г. Место рождения село Кули Кулинского РВК…
Приказом №112/Н от 29. 09. 1942 года награжден орденом Красного знамени.
Приказом №133 от 21. 08. 1943 года, изданный ВС 70 армии Центрального фронта от 21. 08. 1943 года, награжден орденом «Отечественной войны 1 степени».
В наградном листе есть запись: ранее был награжден орденом «Красная звезда».
1998 шинал итабавкьусса ттула луттирай чивчуну буссия укун:
«Лавмартсса душман жулла ватандалийн ххявхсса Ккуллал щарнил жяматрангу ччяни бавссар. Митинграя махъ щарнил жагьилтал бавчуссар душманнайн данди бацIан. Дяъвилийн наниминнал хIат-хIисав къадиркIссар. Хъярч бакъархха ца Ккуллал шярава дяъвилул цIаравун лавгссар 465 жагьил ва агьил, миннаяту зана къавхьуссар 236, аьпа бивухъул. ХIисав дарала, 236 хьунтIий бивкIсса кулпат, минная бизантIий бивкIсса наслу.
Дяъвилийн лавгми кьянкьану талай бивкIссар, миннаясса цар Ибрагьимов ХIусагу. ХIуса, дяъви байбишиннин увцуну, Кьиблалул чулухсса Белоруснаву къуллугъ биттур щаллу буллай ивкIссар, ротIалул командиршиву дуллай. Цащала къуллугъ буллалиминнан ХIуса хъинну бусравну ивкIссар, ларайсса инсаншивугу, кьянкьашивугу дусса уну тIий.
1942 шинал жула аьралуннан багьлай бивкIссар чIумуйсса махъунмай бищун. Гитлердул амру тIурча, бивкIун бур ссут дучIаннин Сталинград ласун. Сталинград ласун къистта хьуну нанисса фашистурайн къаршину талатисса жула аьралуннаву ца хьхьичIунсса кIану бугьлай бивкIун бур Берюзов тIисса генерал бакIчисса армиялул.
Бурги, «Суровые годы» тIисса цала луттираву генерал Берюзов ци тIий урив: «Ибрагьимов ХIусайн бакIчисса батальондалул, дяъвилуву хъинну чанну хьунадакьайсса къучагъшиву дурну, захIматсса ишираву хьхьичIунмай кьувтIуну, фашистураща агьамсса кIану лавсуна…»
Уку-укунсса виричушивуртту ккаккан дуллалисса Ибрагьимовлун дуллуну диркIссар диялсса наградартту ва Сталинградрай дурсса къучагъшиврухлу лайкь хьуссар ЯтIул ттугълил ордендалун.
1943-ку шинал октябрь зуруй, подполковник, батальондалул командир, чумартсса арс Ибрагьимов ХIуса Ачуевич, нааьнасса душманнал ккуллалул ххассал хьун къаивтссар.
Мукунма къучагъсса арсру ватан дуручлай ялагу бивкIссар: МахIаммад, Муса, Рамазан. Дяъвилул цIарава зана хьуссар так ца чIана-чIавама арс Рамазан. Цукунсса нярал туннурду бикIан аьркинни нитти-буттал, ссурваврал, ссурахъаврал, мукьа уссу дяъвилул цIаравун лавгун, минная шама уссил жанну кьурван дурукун. Укунсса кулпатру Ккуллал шяраву биялсса буссар. Цибанссар, кьини дуркни му лахъайсса кьянкьаминналли.
Дундар ХIажиев
