[dropcap]А[/dropcap]вгуст зурул 30-нний «Джами» тIисса патир-комплексрай хьунни «Ттул Дагъусттан» конкурсрай ххув хьуми барча буллалисса шадлугъ.
Шикку гьуртту хьунни республикалул БакIчинал кIанттайсса Владимир Васильев ва «Россия – страна возможностей» АНО-лул гендиректор Алексей Комиссаров.
П. Рамазанова
[dropcap]К[/dropcap]онкурсрай 54 инсан ххув хьуну ур: 72% – чиваркI ва 28% – хъами. Ххув хьуминнава яла чIаваманан дур 23 шин, яла опыт буманан – 51. Вайннаву лакгу бухьунссар тIисса умудрай буру. Цалсса жун кIул хьунни ххув хьуминнавух бушиву 1-мур ЦIувкIратусса Бадави Муртаев, Читтуратусса Марис Илиясов ва Ваччатусса Аьли Мусттапаев. Вайгу, вайннащал ххув хьусса цинявгу, ххуйсса къуллугъирттайнгу лавхъун, республикалул социал-экономикалул тагьар къулай дувансса бюхъулий зий лякъиннав.
Ххуй чулиннайсса дахханашиннарду хьунссар тIисса умуд цIакь хъанай бур республикалул хъуниминнал дуллалисса давурттайнугу.
Церемониялий махъ лахълай, Владимир Васильевлул увкунни:
— Дагъусттаннай цIусса эра дайдишинтIиссар, вай бачIвасса махъру бакъар. Уттинин диркIсса диялдакъашивуртту, законну зия даву, бюджетрал арцу канакаву къадикIантIиссар, ми иширттал ахир хьуссар, — куну.
Хьуну лякъиннав мукунсса ахир!
