Жула лакралгу, Дагъусттанналгу, Аьрасатналгу цIанихсса художник Арсен Къардашовлун сентябрь зурул 27-нний хъанахъиссар ниттил увну 80 шин.
Хъунмасса гьунарданул заллу хIисаврай, Арсен Къардашовлул цIа ккаллину дур художествалул дунияллийсса усттартурал ва профессионалтурал дянив. Ванал гьунарданийн мютIину бур художествалул аралуву сайки бур чинсса циняв чуллу: текстиль, керамика, живопись, графика.
[dropcap]В[/dropcap]анал персоналсса выставкартту хьуссар Дагъусттаннайгу, Дагъусттаннал кьатIувгу, миннувату ца яла гьарза-гьартами ва тарихийми хьуссар художник цува чIярусса шиннардий яхъанахъисса ва зузисса Санкт-Петербурглив. Тиккува бувкссар ванал художествалун хас бувсса луттирду ва альбомругу.
Цала оьрмулул ца яла язимур девизну Арсеннул чIяруну кIицI лагай: «Ттул къюкI дуссар зунттаву, дакI – Петербурглив», — куну. Хъинну чIярусса дуссар ванал Лакку кIанттунгу, цала буттал шяраваллин – ГьунчIукьатIрангу, кIанил жяматран ва тIабиаьтрангу цIа кусса цаннияр ца язисса давуртту.
Ми лигу-личIантIиссар ванал творчествалул ца яла ххазинамур бутIану.
Хъуннасса юбилейгу барча дуллай, чIа тIий буру жула лакрал ххаллилсса арснан цIуллушиву, дунияллул ххуйшиврухсса ва ххуйшиврул абадшиврухсса гъира! Яаннав ина Заннал жун цинявннан!
«Илчи» кказитрал редакция ва Дагъусттаннайсса вил
цинявппагу дустал,
уртакьтал, икрамчитал.
