ИчIаллин бучIи лякъинсса маслихIатру

КIяла жавжлилгу (имбирь) хъин байссар

КIяла жавжлил оь ххуйну щурущи байссар, аьркин да­къамур чурххава дуккан дайссар, илтIа айссар, бурчу

ххуй байссар, цIумулун хъинссар, хъин бай­ссар сситтул къатта, ца-ца чIумал сситтул къатлува чартту буккан бай­ссар, микробру литIун бай­ссар, кьацIливусса тIааьн да­къасса кьанкьгу гьан дайссар, пародонтоз хъин дайссар. Кьавкьсса жавж­рал порошокрал бакIрал къюву лагь дайссар, дакI ларай нанаву, кIарчI биллалаву, бакIрал гьанагьаву дацIан дайссар. Давление лахъайминнангу, му лагьминнангу мугъаятну канан, ишла буллан аьркинссар кIяла жавж, цанчирча жавжрал къюкIлил ришлашаву гужлан дайссар.

* * *
— Гастрит думиннан: 4 хъун накъуса нехълул, 3 хъунна къуса кишмитIутIул, дачIи чяйлул къуса ссуссулий бувксса кIяла жавж­рал бичайссар термосравун, ялун дутIайссар 1,5 л. (литIра ва дачIи) щара лархъсса гъилисса щинал, дитайссар 10-12 ссятрай. ХIачIан аьркинссар ца кьинилул мутталий.

— ДакI ларай най, кIарчI биллалийни кумаг шайссар ца чяйлул къуса кIяла жавжрал мархлул дачIи чяйлул къуса чимусул сокращал хIачIарча.

— Кьавс хьуний, хIачIияра хьхьурай гъилисса накI, ца-кIира чяйлул къуса зайтундалул ягу ххяххиялул нагьгу, къеп кIяла жавжлилгу бивчуну.

— Диабет думиннан: мюршну бурувсуну кIяла жавжрал мар­хха, бичияра термосравун, ялун щаращисса щингу дуртIуну. Дитияра термосраву 10-12 ссятрай. Яла диргьуну, ялун лимонгу дуртун, дукра дукан дачIи ссятрал хьхьичI хIачIларча хъинссар.
ЦIуллуну личIаннав.