[dropcap]Щ[/dropcap]аллу дунни цилла даву кIира сменалий зий бивкIсса Ухссавнил Ккавкказуллал жагьилтурал «Машук – 2018» тIисса форумрал.
Му наниссаксса хIаллай хъинну чIярусса проектру ккаккан дунни таксса инсантурал ва организациярттал.
[dropcap]Ф[/dropcap]орумрайсса жагьилтуращал хьунабакьин Пятигорскалийн, Машук зунттул ухнилун, бувкIун хъинну чIявусса бусравсса хъамал: АьФ-лул ПаччахIлугърал Думалул председательнал хъиривчу Ольга Тимофеева, АьФ-лул ПаччахIлугърал Думалул культуралул комитетрал председательнал хъиривчу Ольга Казакова, Ухссавнил Ккавкказуллал министерствалул каялувчи Сергей Чеботарев,
АьФ-лул Президентнал Администрациялул каялувчинал цалчинма хъиривчу Сергей Кириенко, Аьрасатнал Президентнал СКФО-лийсса вакил Александр Матовников, Ингушнал Республикалул бакIчи Юнус-Бек Евкуров, Аьрасатнал Президентнал Жяматийсса проектирттал управлениялул начальник Сергей Новиков, Аьрасатнал Виричу Алексей Романов, UFC-лул боецтал Ислам МахIачев ва Сяид НурмахIаммадов, мукунма Аьрасатнал цIа дурксса актертал ва балайчитал.
[dropcap]Ф[/dropcap]орумрай хьунни гьарцагу республикалул кьинирду, миннувух – Дагъусттанналссагу. Микку гьуртту хьунни ДР-лул ХIукуматрал председательнал цалчинма хъиривчу Анатолий Карибов, ДР-лул министерстварттал бакIчитал, республикалул парламентрал депутатътал.
[dropcap]Ф[/dropcap]орумрал лагрулий хьуна хъинну чIярусса давуртту, конкурсру, хьунабакьавуртту, бяст-ччаллу. «Ккавкказуллал чIу» конкурсрай цалчинсса кIану бувгьунни Дагъусттаннаясса делегациялул. Жулва жагьилтурал волейболданул чемпионатрай бувгьунни 2-сса кIану, душварал тIурча – 1-сса кIану, мини-баскетболданул чемпионатрай Дагъусттаннаясса жагьилтурал бувгьунни 1-сса кIану, душварал – 3-сса.
«Машук – 2018» форумрай цалла проектращал гьуртту хьусса лакку оьрчI Ися Рамазановлущалсса ихтилат бищунну хъиривмур номерданий.
