Август зурул 28-нний Ккуллал райондалул культуралул къатрал залдануву хьунни кIулшиву дулаврил зузалтрал конференция.
Учительтал ва цIусса дуккаврил шин барча дуллалисса махъ лавхъуна райондалул бакIчи Шамил Рамазановлул.
Учительтал барча бувна школалул оьрчIалгу.
Райондалийсса школарттай кIулшиву дулаврил тагьарданул хIакъиравусса доклад бувна УО-лул каялувчи Альбина ХIаммакуевал. Ванил кIицI бувна Ккуллал райондалул УО, шанна шинал хьхьичI Дагъусттаннал республикалий 52-мур кIанттай бивкIхьурча, хIакьину 28-мур кIанттай бушиву.
Махъру лавхъуна мукунма Хъювхъиял школалул директор Исяева Аьйшал, оьрчIал творчествалул Къатлул директор Аьбдуллаева Маржанатлул ва цайминналгу.
Ххуйсса ккаккияртту хьун дурсса учительтуран райондалул бакIчинал дуллуна хIурматрал лишанну ва грамотартту.
Уттинин УО-лий каялувшиву дуллай бивкIсса Альбина ХIаммакуева цамур даврийн най бушаврийн бувну, конференциялийн бувкIми кIул бувна цIусса УО-лул каялувчинащал – МахIаммадлул арс Тилиев Камиллущал.
Лажин хIадур дурссар ХIажимурад ХIусайновлул
