ДР-лул Социал страхованиялул фондрал баян баврийну, му фондрал щурущи дуллай дур «ТIиртIусса контракт» тIисса цIусса проект. Проект хIадур дурссар, хъус машан ласаврил лагрулийсса (в сфере закупок) контрактрал системалул гьануми принципру дузрайн дуккан даву мурадрай, хъус машан ласаврил иширттаву конкуренция щаллу даншиврул ва Социал страхованиялул фондрал давурттал мюнпат хъун баншиврул.
ХI. Аьдилов
[dropcap]Ф[/dropcap]ондрал машан ласайссар зузисса кIанттурдай захIматну къашавай хьуну, ягу цIунцIия хьуну, инвалид хьусса инсантурансса аьрки-къарцин: протезру, кресло-коляскарду, вичIилул аппаратру (чIу баяншиврул). Ласайссар щаллу дайссар санаториярттайнсса ва курортирттайнсса путевкартту ва мукунна цаймигу медициналул ва социал хIаллихшинну.
Ми гьарзат ласайссар паччахIлугърал бюджетраву ккаккан дурсса арцух. Утти ми ласунсса аьркин-къарциндалул хIакъираву бусавантIиссар тIивтIусса уквасса ok. fss. ru тIисса сайтрай, агарда бакIрайва ккаккан бувсса яла хъунмур контрактрал багьа 1 млн. къурушраяр ливчусса бакъахьурча.
Ччима инсаннаща бюхълай бур кIул буван, инвалидтуран цукунсса аьрки-къарцин машан ласунтIий дуссарив. Мунияту инсантураща бюхълай бур фондрал машан ласайсса кьай-кьуйлул ялув бацIаву дувангу.
