[dropcap]З[/dropcap]имний Дворец лавсъсса чIумал, Лениннул куну бивкIссар тIар: «Революция, о котором все время говорили большевики, свершилась», — куну.

11:41 / 13.09. 2018
[dropcap]М[/dropcap]уничIанма гъансса кунмасса махъру чин багьлай бусса ххай буру «Лакку мазрал ва оьрус мазрал словарь» дунияллийн буккаврил хIакъиравугу. Вана хIакьину му словарь жущава кIунттил бугьан бювхъуну. Вих хьунгума бигьану бакъар.
Сайки 30 азарва махъ циву бусса ва словарь хIадур буллай, мяйжаннугу­сса элмулул гьанулий ваниха зий, захIмат буллай, ацIрахъул шинну харж дурунни жула лакралгу, Дагъусттанналгу ур учинсса аьлимчу, филологиялул элмурдал доктор, профессор, Халидлул арс Эса Аьбдуллаевлул.

ТIайланма учинну, ва ххазинасса даву чулийн дуккаву, ва хъуннасса лаг­рулул ва куртIшиврул словарь ляхъаву ккаллиссар лакку мазрал лексиког­рафия ва миллатрал культура ххишала дакъа хьхьичIуннай ва ларай шаврин. Ванийну бартбигьин бюхъантIицири мурадругу буссар хIат-хIисав дакъа агьам­сса ва чIявусса. Му бакъассагу, ва жула словарь дагъусттан мазурдил словарьдаву ттизаманнул лексикографиялул тIалавшиндарайн бувну сакин бувсса цалчинминнувасса цаннин ккалли хъана­хъиссар. Махъ бакъа, ванил тIалавшингу дикIантIиссар хIат дакъа хъуннасса.
Барча, лак, зулла эмаратсса бахшиш!
Цалсса словарь бувкшиву баян баврийнусса гьашиву данну. Гихунмай, цащалва Эса Аьбдуллаевлущал хьунагубавкьуну, буванну гьарза-гьартасса ихтилат.

Руслан Башаев