Каялувчиталну зун бюхъайсса, бюхъу ххисса инсантал язи бугьлагьи­сса, «Ттул Дагъусттан» тIисса конкурсрай ххув хьуминнал ахир-сияхIрайн лавсун ур 54 конкурсант.

[dropcap]М[/dropcap]икку гьуртту хьуссар, Да­гъусттаннаясса бакъассагу, щала Аьрасатнавасса ва хIатта дазул кьатIатуссагума вакилтал. Яни конкурс диркIссар хъинну бунияласса.
Му ххишала дакъа хъуннасса агьамшиву дусса конкурсрай лажин кIялану ххув хьусса 54 инсаннава 10 ур лакрал миллат­раясса. Му жува цалархIал махIатталгу, ххаригу хьунсса затри, му тачIав лиххан бан къахьунсса куццуй тарихрал ххуттай чивчуну личIан нанисса ишри.

Цалчин, барча тIий буру му ххувшаву бакIра-бакIрах ацIуннахьвагу! КIилчин, барча дуллай буру мура ххувшаву «Илчилул» буккултрахьгу, цинявппа лак­рахьгу!
Зуща бюхъайссар вай ацIагу виричунал цIа пахру-ххаралий зула дакIницIух дишин, дунияллухь майшан учин:

Абакарова Мадина Аьвдуллагьлул душ
АьвдурахIманова Диана Иб­рагьимлул душ
Аьлиев ХIайдар МахIам­мад­аьлил арс
Аьлиев Шарип Аьвдулмажидлул арс
Илиясов Марис Сиражу­ттиннул арс
МахIаммадов Бадруттин Аьлил арс
Муртаев Бадави Муртал арс
Мусттапаев Аьли Мурадлул арс
Сулайманова Мисай Изаму­ттиннул душ
Сулайманова Тамара Батирханнул душ