Мусил къалип букьан бунни
Германнаву, Висбаден тIисса шагьрулул дязаннивсса майданнив Турциянал Президент Реджеп Эрдоганнул чул бувгьуминнал мусил щин дурксса мунал къалип-гьайкал
дацIан дурну диркIун дур ларгсса итникьини, амма, агьали му иширая рязи бакъа, шанма гьантлувара дукьан багьну бур. Мукьра метралул лахъишиврийсса статуя крандалул ва МЧС-рал машиналул кумаграцIух шагьрулува дуккан дурну дур.
Аьрабусттаннал
хъами леххултну
зун байбивхьунни
Утти Аьрабусттаннал хъаннихь самолет нани дансса ихтияр дуссар. Тайннал граждан авиациялул хъунмур управлениялул ххюва хъамитайпалухьхьун экипажирттал командирталну зун ихтияр дуллалисса лицензияртту дуллуну дур. Июнь зурул 24-нния тинмай тайннал душваврахьхьун машинартту бачин буллансса ихтияргу дуллунни.
Яла угьарама
хIажи
Гьашину Къазахъисттанная хIажлив лавгсса яла угьарама инсаннан 96 шин дусса дур.
Ттуккуксса
къалпуз
Волгоградрайсса яла хъунмур къалпуз бусса бур 24 килограмм дусса. Камышин тIисса шагьрулий «къалпузирттал байран» дурну дур, яла хъунмур къалпузрал залуннан, багъманчинан бахшиш дуллуну дур. 15 азара инсан гьуртту хьусса къалпузирттал фестивальданий укра дарчIуну дур 15 тонна къалпузрал.
ХIадур бувссар
П. Рамазановал
