Сентябрьданул 5-нний ДР-лул ХIукуматрал председатель Артем Здуновлул ДР-лул Ишбажаранчишиврул ва инвестициярттал агентствалул зузалт кIул бунни ведомствалул цIусса каялувчи ХIажи ХIасановлущал.
Артем Здуновлул хъин чулийсса кьимат бивщунни Агентствалул хьхьичIма каялувчи Башир МахIаммадовлул давурттан ва бувсунни му личIлай ушиву региондалул каялувчинал командалуву.
ХIажи ХIасановлул бувсунни цайва бивхьусса бурж дакI марцIну бартбигьинтIий ушиву.
ДакIнийн бутанну, ХIажи ХIасанов ххув хьуссар республикалул управлениялул зузалтрал луртан дузал даврил цалчинмур конкурсрай. Луртандалувун агьаннин му зий ивкIссар Москавуллал кIанттул цилакаялувшиврул органнай ва ишбажаранчину.
Жул корр.
