Июльданул 26-нний Дагъусттаннал ПаччахIлугърал филармониялул гъинтнил майданнив ДР-лул БакIчинал кIанайма Владимир Васильев гьуртту хьунни Дагъусттан Республикалул Конституциялул Кьинилул шадлугъралбатIаврий. Миккун бувкIун бия мукунма ДР-лул ХIукуматрал председатель Артем Здунов, ДР-лул БакIчинал ва ХIукуматрал Администрациялул каялувчи Владимир Иванов ва цаймигу.

---

Владимир Васильевлул да­гъусттанлувтурахь барча кунни жулла республикалун хъуннасса агьамшиву дусса байран:
«Ва жулла республикалул гьанумур закондалул ккаккан дуллалиссар жулва къуллугъчитурал ва укунмасса инсантурал дянивсса аралугъ цукунсса дикIан аьркинссарив. ХIакьину Дагъусттаннал Конституциялун 15 шин хъанай дур. Ва агьаммур закондалул инсантура­хьхьун дуллай дур цаннасса ихтиярду, ва миннаща бюхълай бур муний ккаккан бувсса буржругу биттур буллан. Конституциялул хъунмур мяънагу, мурадгу хъана­хъиссар паччахIлугъ жяматрахасса къуллугърай дикIан аьркиншиву. Гьамин, му ххуллийн бувкссар махъсса ппурттуву Дагъусттан».

Владимир Васильевлул бусаврийну, Аьрасатнал Президентнал му Дагъусттаннайн тIайла увккун ур Конституциялул низам дишин. Республикалул каялувчинал дагъусттанлувтурайн лаизаву дунни цачIу дузалшиндарал давуртту дуллан, республикалул маэшат гьаз баврил цIаний.
«Цинявннахь барча тIий ура байран! ЧIа тIий ура цIуллу­шиву, талихI-тир­хха­нну, хъиндайдихьурттаву хьхьичIуннай­шивуртту!» — кунни Владимир Васильевлул.
Яла ккаккан дунни байран кьинилун хас дурсса концерт.

ХIадур бувссар
ХI. Аьдиловлул