[dropcap]В[/dropcap]ай гьантрай Аьрасатнал, Азирбижаннал, Ираннал, Къазахъисттаннал ва Туркманисттаннал хъуними бавтIсса саммитрай Каспий хьхьирил статус цIакьдуллалисса конвенциялий къулбасру дунни кIицI лавгсса билаятирттал хъуниминнал.
П. Рамазанова
Конвенциялийн бувну, Каспий хьхьири бачIлачIиссар виваллил ва территориал щинайх, балугъру бугьай зонардайх ва аьмсса щинал майданнайх. Цанна ккаккан дурсса зоналий циксса балугъру бугьлан бучIиссарив дазу рищунтIиссар гьарца билаятрал. ХIакьинусса кьини, масалдаран, Каспийлий осетрина-балугъру бугьаврий къадагъа дуссар. Ххювагу билаятрал Каспий хьхьирия хайр ласаву мурадрайсса концепцияр ва тIий бур экспертътал.
— 2025 шиналнин Каспийскалий цIусса порт буван дакIний буссару, му портрал 15-25 азарда тонна кIушиврул дусса хъунисса жамирду кьамул буллан аьркинссар. Аьрасатнаву 2030 шиналнин бартдигьинсса стратегия дуссар, хьхьирил портирдал даву хьхьичIуннай дувантIисса, — увкунни саммитрай Аьрасатнал Президент В. Путиннул.
Микку гьуртту хьуминнал баян бунни къулбасру дурсса конвенциялул хьхьирил зумардайсса билаятирттал кувннал кувннащалсса машлул ва экономикалул дахIавугу цIакь дувантIишиву, инвестициярттугу кIункIу дувантIишиву.
