Август зурул 28-нний, Аьрасатнал Президент Владимир Путиннул хIукмулийн бувну, Дагъусттаннал виваллил иширттал министрнал хъиривчуну ивтунни
Гутыря Дмитрий Васильевич.
Имара Саидова
Гутыря Дмитрий Васильевич увну ур июнь зурул 16-нний 1964 шинал Ростовуллал областьрай. 1986 шинал къуртал бувну бур Новочеркасскаллал политех институт. Харьковрай СССР-данул МВД-лул лавайми курсругу къуртал бувну, 1990 шиная 2008 шинайн ияннин зий ивкIун ур Новочеркаскаллал УВД-лул личIи-личIисса отделлай. Зий унува, архIала дуклай, къуртал бувну бур Аьрасатнал МВД-лул академия.
|
2008-2011 шиннардий зий ивкIун ур Ростовуллал областьрай оператив частьрал хъунаману. Муния махъ шанна шин дурну дур Курскаллал МВД-лул Управлениялул УЭБ ПК-лул начальникну зий.
Шанна шин дурну дур Смоленскаллал областьрал Аьрасатнал УМВД-лул полициялий каялувшиву дуллай.
Вай гьантрай Аьрасатнал Президентнал хIукму бувккунни Гутыря Дмитрий Васильевич Дагъусттаннал МВД-лул министрнал хъиривчуну ивтсса.
Уттинин цува къуллугъ буллай ивкIсса кIанттурдай ванал ккаккан бувну бур цува даврил опыт бусса, жаваблувсса зузала ушиву.
