Дагъусттаннал региондалий хьусса «Жагьилсса пишакартурал» VI-мур Миллатирттал чемпионатрал финалданийн агьсса 24 пишакар.

Имара Саидова
[dropcap]А[/dropcap]вгуст зурул 8-нния 12-ннийн бияннин Кьилвалул Сахалиннай хьунтIисса ЗахIматрал пишардал (WorldSkills Russia- 2018) чемпионатрай гьуртту хьунтIиссар 14 инсанная сакин дурсса Да­гъусттаннал цачIун дур команда. Дагъусттаннаясса жагьилтал гьуртту хьунтIиссар «Кирпич бишаврил», «Шяраваллил хозяйствалул машинар­тту зузи баврил», «CAD инженершиврул дизайнналул», «Отеллал администраторшиврул», «Графикалул дизайнналул», «Куклу машинартту бакьин ва зузи баврил», «Веб-дизайнналул» пишардал усттаршиву ккаккан дуллали­сса номинациярттай. Ва чемпионатрай гьуртту хьуншиврул жула цачIун дур команда дуссия хъунмасса хIаллай хIадур хъанай.

[dropcap]Ч[/dropcap]емпионат дайдишин хьхьичI гьурттучитуран кка­ккан бувантIиссар бяст-ччаллу буллантIисса майданну. Му бакъассагу, чемпионат нани­ссаксса хIаллай ккаккан дуллай бикIантIиссар концертру. Август зурул 6-нний чемпионатрал программалул лагрулий хьунтIиссар экспертътурал кIулшивурттан кьимат бишлашисса бяст-ччаллу.

Дагъусттаннаясса делегациялул бакIчину икIантIиссар WorldSkills Russia координациялул центрданул суккушиндарал директор Шамил МахIаммадов, командалул бакIчи, ДГПУ-лул дефектологиялул факультетрал декан ПатIимат Оьмарова.
ЧIа учинну жагьилтуран тIай­лабацIу ва дакI ххарину ххувшавурттащал зана бикIансса аьрххи-ххуллу.