[dropcap]Л[/dropcap]акрал райондалул школартту цIусса дуккаврил шинайннин хIадурну бурив ххал буллай занай бур райондалул администрациялул комиссия. Цивунгу бухлай бур райондалул бакIчинал кумагчитал, кIулшиву дулаврил управлениялул хъунама Явсупи ХIамзаев ва пишакартал.
Му иширацIун кабакьлакьиссагу чансса бакъар
Зулайхат Тахакьаева
[dropcap]Я[/dropcap]всупи ХIамзаевлул бувсунни гьашину школарттал ремонт дан ва цIарая мюхчаншиврунсса шартIру дузал дан райондалул бюджетрая итадаркьуну душиву сайки кIива миллиондалийн дирсса къуруш арцул.
Му бакъасса, райондалул бакIчи Юсуп МахIаммадовлул шяраваллал администрациялул бакIчитурай ва СПК-рдал хъуниминнай буржну бивхьуну бур школарттал ремонтру дан кумаг бан. МуницIунма Лакрал райондалиясса ишбажаранчитурахьгу тавакъю бувну бур ми давурттал чIарав бацIан.
Райондалул кIулшиву дулаврил управлениялул пишакар
Сабир Ибрагьимов хьунаавкьунни ХIадис ХIажиевлул цIанийсса ШавкIуллал школалул директор Асли Какваеващал.
ШавкIуллал школалий хIакьинусса кьини дуклай усса ур мукьцIала оьрчI. Цалчинмур классравун учIан тIий усса ур
мукьа оьрчI.
«100 школа» тIисса республикалул программалувун багьну бур Щардал ва Хьурттал школартту. Щардал школалун райондалул администрациялул итадаркьуну дур 550 азарда къуруш, жяматралгу дартIун дур 450 азарда къуруш. Хьурттал школалун райондалул администрациялул дуллуну дур 180 азарда къуруш, жяматрал дартIун дур 375 азарда къуруш. Вай школарттан республикалул бюджетрава буллуссар кIи-кIива миллион ва байбивхьуну бур капитал ремонтру дуллай.
Магъигу даххана дурну, капитал ремонт дуллай бур Карашрал школалул.
[dropcap]Р[/dropcap]айондалул кIулшиву дулаврил управлениялул каялувчи
Явсупи ХIамзаев Кьубиял школалул директор
Муса Братиловлущал.
Аьрасатнал Виричу Гапал ХIажиевлул цIанийсса ва школалул сий мудангу ххуйсса ххуттай диркIссар. Директорнал бусласимунийн бувну, ЕГЭ-рдал хIасиллу гьашинугу ххуйсса хьуну дур. Школа къуртал бувсса ххюя оьрчIая мукьа дуклан увххун ур лавайсса дуккаврил идарарттайн. Ххуйсса ккаккияртту хьуну дур ОГЭ-рдалгу. ЦIусса дуккаврил шинал цалчинмур классравун учIантIий усса ур мукьа оьрчI.
Хъурхърал школалул ремонт дан 150 азарда къурушрансса кумаг бувну бур шяраваллил жагьилтурал, 10 азарда къуруш дуллуну дур СПК-лул хъунама Закир Аьлишаевлул.
Мукунма цала школалун кумаг буллай бусса бур КIундиннал жагьилталгу, вайннал СПК-лул хъунаманалгу дуллуну дур 25 азарда къуруш.
Шяраваллил жагьилтурал кумаграцIух ремонт дуллай бур Ххюлуссуннал школалийгу.
ЧIурттащиял школалул магъи ва чIавахьултту баххана бувну бур ишбажаранчитал Шамил ЖахIпаровлул ва Камил Мусаевлул.
[dropcap]Р[/dropcap]айондалул кIулшиву дулаврил управлениегу, школарттал директорталгу, дуклаки оьрчIал нину-ппугу барчаллагьрай бур ремонтру дан чIарав бавцIуцириннайн.
Вай гьантрай Явсупи ХIамзаев ивунни Кьубиял ва ШавкIуллал школарттайн. Шиккугу ремонтру дурну къуртал хьуну дур.