Аьрасатнал Президент Владимир Путиннул Дагъусттаннал Халкьуннал Мажлисрал ххал дигьин Республикалул БакIчинал кIанттайнсса кандидатътал хIисаврай рирщунни шама инсаннал цIа:
Дагъусттаннал БакIчинал къуллугъ чIумуйну бартбигьлагьисса Владимир Васильевлулсса ва парламентрал вице-спикертурал – Камил Давдиевлул ва МахIмуд МахIмудовлулсса.
Хъусращиял шяравасса Камил Давдиев 2016 шиная шинай Халкьуннал Мажлисрал хъунаманал хъиривчуну ва «Справедливая Россия» партиялул региондалул отделениялул хъунаману ур.
Мунийннин каялувшиву дуллай ивкIун ур Халкьуннал Мажлисрал миллатирттал арардалсса ва динийсса иширтталсса буллалисса комитетрай.
ДакIнийн бутанну, Республикалул БакIчи увчIинтIишиву сентябрьданул 9-нний, жулва билаятрай Цасса чIурду булайсса кьини.
