Ккуллал райондалул администрациялул залдануву хьунни терроризмалийн къаршисса комиссиялул ирглийсса батIаву.

Шикку цалчинмур масъалану бия чIал къавхьуну дайдихьлахьисса дуккаврил шинал цалчинсса кьинирдай школартту буруччаврия. Ва иширан хас дур­сса давурттая бувсуна райондалул УО-лул каялувчи Альбина ХIаммакуевал.
ЧIявусса инсантал батIайсса объектру цукун дурурччуну ду­ссарив бусласисса ихтилат бувна Ккуллал ва Лакрал районнал цачIусса полициялул вакил Сайд Ибрагьимовлул. Ххал бивгьуна мукунма цаймигу масъалартту.

* * *
[dropcap]Р[/dropcap]айондалул администрациялий хьунни Аьрасатнал паччахIлугърал Ттугълил кьинилун хас дурсса батIаву. Ши­кку гьуртту хьуна шяраваллал бакIчитал, идарарттал каялувчитал, жяматийсса ишккаккулт. БавтIми барча буллалисса ихтилат бувна райондалул бакIчинал хъиривчу Александр Маммаевлул. Шадлугъраяр махъ цинявннал цачIу рирщуна ттугълищалсса сурат.
Укуннасса шадлугъ хьуна культуралул къатрал хIаятравусса «Вирттаврал аллеялучIагу».