Вай гьантрай хьунни ДР-лул Медициналул страхованиялул фондрал филиаллал ва идарарттал каялувчитуращалсса батIаву.
Дагъусттаннайсса ФОМС-рал отделениялул директор МахIаммад Сулаймановлул бувсунни цивппа хъуннасса къулагъас дуллай бушиву медициналул идарарттайсса хIакинтурал ва медперсоналданул харжру гьаз баврих. Ванал мукунма кIицI лавгунни харжру чIумуй булаврил ялувгу бацIан аьркиншиву.
Му бакъассагу, МахIаммад Сулаймановлул тIалав бунни фондрайн багьайсса идарарттал агьалинан медициналул лавайсса кумаг баврил, дарурттал ва дукиялул ялув бацIаву.
Ва батIаврий МахIаммад Сулаймановлул страховой медициналул идарарттал каялувчитуран баян бунни, цаппара медициналул идарартту ххал бивгьуну, диспансеризация даврин кьимат бищунтIишиву ва къашайшалтрахь дарурттал ва медициналул кумаграл хIакъиравусса цIухху-бусурду бантIишиву.
