[dropcap]В[/dropcap]ай гьантрай МахIачкъалаллал 1-мур азарханалий дурунни гъинттул чIумал къюкIлил азардаща буруччаву мурадрайсса акция. Акциялул сакиншинначиталну хьунни ДГМУ ва цIуллу-сагъшиву дуруччаврил комитетрал члентал.

[dropcap]В[/dropcap]а кьини чIава хIакинтал ххал дуллай бия инсантурал оьттул давление. БувчIин буллай бия инсантуран кIирисса кьинирдай давление лахъ къахьуншиврул цукун бурувччуну бикIан аьркинссарив. Мукунма бавчIунни халкьуннайх бурув­ччуну бикIан аьркинсса куц бусласисса маслихIатирттащалсса буклетру.

Акция нанисса кьини, азарханалул хIаятравун бувкIсса инсантурал давлениярттугу дурцуну, хIакинтурал маслихIатирттах вичIи дирхьуну махъ, бувсунни цIуллу-сагъшиврул ялув ба­цIансса куц.
Азарханалул хъунама хIакин ХIажимурад Малаевлул балжину бувсунни оьрмулул бугьара­сса инсантал кIиришиврия цукун мурахасну бикIан аьркин­ссарив.

ЦIуллу-сагъшиву дуруччаврил акциялул программа дия хъинну авадансса. Къашайшалт­ран жагьилтурал ккаккан дунни тяхъасса концерт. Циняв­ппа хIайран бунни дунияллул халкьуннал ва аьрасатнал конкурсирттай ххув хьусса, «Голос. Дети» шоулий гьуртту хьусса, ляличIисса чIунил заллу Алина Барановал балайрдал.