Август зурул 18-нний Ма­хIач­къалалив хьусса респуб­ликалул шяраваллил хозяйст­валул ярмукIалийн ивунни Да­гъусттаннал БакIчинал къуллугърайсса Владимир Васильевгу.

Ванащал бия ХIукуматрал хъунама Артем Здунов, БакI­чинал ва ХIукуматрал администрациялул хъунама Владимир Иванов, шяраваллил хозяйствалул министр Аьбдулмуслим Аьбдулмуслимов.

Владимир Васильев ярмаркалий цала продукция дахлахисса фермертурачIан, ттучаннал заллухърунначIан гъан хьунни, цIувххунни цукунсса захIматшивуртту давриву ду­ссарив. Лагма уккайхту, журналистътурал суаллахьхьун жаваб­ругу дуллунни.
«На къулагъас дував, кIусса чантайрттугу лавсун, шавай нанисса адаминах. Рязину ия, зувива процентрал кьюркьуну машан ласав аьркинмур тIий. Жулва мурад даххултгу, ласултгу, къулайну маша бувну, рязину личIавур», — увкунни В. Васильевлул.

Ванал барчаллагь увкунни ярмукIалул сиптачитурахь, гьар­цагу ярмукIа, байрандалийн кIурадаен дурну, ххуйсса даражалий дуллай буну тIий.