[dropcap]М[/dropcap]юхтажминнан, ахIвал кIюламиннан ка-кумаграл давурттив дуллалисса «Инсан» тIисса ихIсандалул фондрал, «Духсса къатри» тIисса программалул лагрулий,байбивхьунни дуллай Ваччав Аьбдурашидовхъал кулпатрансса къатри.
Ласгу ивкIуну, ятинтал хъуни буллан багьсса Аьбдурашидова Фиалка яхъанахъисса къатри лекьавай дусса дур. Ми дакьин дансса даражалий дакъанавхьур, фондрал хIукму бувну бур цIусса къатри дурну, Аьбдурашидовхъал кулпат миннуйн бизан буван.
Къатрал гьанурду хIадурну бур, чIиртту гьаз буллай байбивхьуну бур. Миннул ялув цащава шайсса захIмат буллай ур Муфтиятрал Ккуллал райондалийсса вакил, просвещениялул отделданул хъунама МухIаммадрасул МахIадовгу.
Аьбдурашидовхъал кулпатран къатри дуван шайсса кумаг буллай бур дакIру цIимисса инсантал. КIи дучIаннин къатри къуртал дувантIиссар тIий бур.
Ккуллал райондалул имам МухIаммадвакил Дадаев ва кIицI лавгсса фондрал зузалт дакI дирсса кумаг буван оьвтIий бур лакрал агьалинайн, чIарав бацIияра тIий. Кумаг буван ччинаща арцу дичин бюхъантIий бур Сбербанкрал карталийн – 42 76 6000 4873 1810 (Ислам Ибрагьимович) ягу телефондалул ва номерданийн 8-963-414-11-77 (Билайн). ХIала буххияра чирисса давривух!
П. Рамазанова
