[dropcap]В[/dropcap]ай гьантрай Лаккуйн бувкIун бия Американавасса туристал: 30 шинавусса профессор Андреос, Кьиблалул Кореянавасса фармацевт Сюзен ва учительница Мери.

 

[dropcap]Х[/dropcap]ар-хавар бакъа бувкIсса хъамал кьамул бунни райондалул жагьилтурал ишир­ттал, спортрал ва туризмалул отделданул каялувчи Малик ХIус­мановлул. ЛяличIину Лакрал райондалийн бувкIун бухьувкун, вайннан Лакку билаятрая бавну, кIулну бухьун­ссар тIий буссияв. КъабивкIун бур. Дагъусттан язи бувгьуну бур, чIявусса миллатру, личIи-личIисса диннал агьлу ялапар хъанахъисса билаят бушиву бавну, личIи-личIисса халкьуннал магьирлугъращал, аьдатирттащал ва диндалущал кIул хьун­сса мурадрай. МахIачкъалалив цIухху-бусу буллалийни, вайннан маслихIат бувну бур исламрал вирдакIну хьусса, магьирлугърал авадан­сса, дурккусса агьлу чIявусса Гъумукун гьан. Гъумучиял ва Щардал цIа дургьуну бувкIун бия вай цивппагу.

https://youtu.be/vgtkH_7AW5g
[dropcap]М[/dropcap]алик ХIусмановлулгу вай хьхьичIва-хьхьичI бувцунни Гъумучиял Хъун-Мизитравун. МахIаттал-хIайран хьуну лив­чIунни хъамал, мизитрал тарихрая бавукун. МахIаттал хьуну ливчIунни, Дагъусттаннай ацIвахъул мазру бушиву бавукунгу, ваксса чIирисса республикалий мазурдил чIявушиву тIий.
Муния махъ хъамаллуран ккаккан бунни Аьрасатнал халкьуннал аслийсса культуралул центр.

https://www.youtube.com/watch?v=BAT3nUKnACQ

Андреослун кIулну бур ххю­­ва маз: ингилис, ламса, паланг, турк ва испан. КIулну бур къюкIсса ва маз къакIулминнал мазгу. ХъунмурчIин ванал давугу дусса дур миннащал зузисса.
Кафелуву ахттайнсса канай бунува, тиву бакIрайн агьсса Кьубиял школалул директор Муса Братилов цащала испан мазрай гъалгъа тIий айишайхтугу, махIаттал хьунни. Испаннаву ялапар хъанай ацIра шин дурсса Мусан марцIну кIулну бия тайннал маз.
Рязину ливчIунни туристал хъамалушиндараягу. Хъиривмур кьини Маликлул хъамал биян бувунни Щарав. Ххуйну кьамул бунни ми Щардал шяраваллил бакIчи Мирослав Ибрагьимовлулгу.

ХIадур бувссар
Зулайхат Тахакьаевал