ИчIаллин бучIи лякъинсса маслихIатру

[dropcap] П[/dropcap]юрундалул тIахIни-кIичIу цIай-цIай тIун дикIайссар, гай шюшлашисса щинавун кIира къуса ссиркалул ва ца къуса цIил дичирча. Яла ххуйну вилаган аьркинссар.

* * *
— Мусичинилул тIахIни-кIичIу ххуйну марцI шайссар, ца литIра гъилисса щинавун 3 дукра дукай къуса цIил дирчусса щинаву шюширча.

* * *
-Бурул (хрусталь) кIирисса щинаву шюширча, цIан лагай­ссар, хъинссар гъилисса (цаппара кIунтIру нашадур спиртралгу бивчусса) щинаву шюширча.

* * *
— ЧяйникIрал чIанулух бавкьусса чару гьан байссар хозяйствалул ттучаннай бикIайсса «Антинакипин» тIисса средствалул. Амма зунна химия хIала дан къаччарча, дутIияра чяйникIравун щин (щинал ряхва бутIуйн ца бутIа ссиркалул хIисаврай), кIири бара чяйник 60-70 градусрайн бияннин ва кIиришиврий битияра 20-30 минутIрай, яла бучIиссар ххуйну шюшин.

* * *
— ТIахIни-кIичIу бучIиссар шюшин горчицалул порошок бивчусса щинавугу, яла, ххуйну виларгун, лицIан дишайссар.

* * *
— Къуркъасса чIила бигьассар дайл дан, агарда дачIи ссятрай­сса чIила диширча, чансса цIугу бивчусса щинаву.

* * *
— Калихьурду шюшин хьхьичI ссиркагу дуртIусса гъилисса щинаву диширча хъинссар.

* * *
— Кухнилий газрал кIира конфорка лархъун духьурча, цукунчIав малахъару духовка ягу щин гъили дайсса зат.

* * *
— ЦукунчIав ишла мадару цара-ца тахта (разделочная доска) шархьсса ва къашархьсса затирттан.

* * *
— Анавар мабуккару ахънилсса шахьлай бивкIсса щин экьидутIин, гай ишла дан бу­чIиссар накьлингу, бучIиссар къатлувусса тIутIайн дутIингу.