Этноклуб – Лаккуй, ВацIилул лув

Этноклуб – Лаккуй, ВацIилул лув

«Гъази-Гъумучи» тIисса Фондрал тIитIлай бур ирглийсса этноклуб – «Гъази-Гъумучи». Этноклуб бу­ссар Хьурив ва зузиссар шагьрурдаясса оьрчIан лакку маз ла­хьхьин баву, лакрал тарихрая ва магьирлугъраясса кIулшиву дулаву мурадрай.


Му тIитIлатIиссар июль зурул 10-нний. Цалчинсса смена зузиссар июль зурул 10-нния 22-ннийн. КIилчинмур – июль зурул 25-нния август зурул 5-ннийн. Гьарца сменалий кьамул уллали­ссар кьуния ххю-ххюя оьрчI.
Дузалну дуссар гьарца шартIру. ДуллантIиссар мукьийлла дукра.

Этноклуб зунтIиссар ва программалий: лакку мазрал дарсру; Лакку билаятрал тарихийсса кIанттурдайнсса экскурсияртту; чIатIаракIру ритаву; дучрай сайр баву; Бархъаллал тIахIунтту даврил дарсру. Этноклубрайн батIлатIиссар 6 шиная 16 шинайн бияннинсса оьрмулул оьрчIру. Минная тIалав дуллали­ссар бакIрал чагъар, ОМС-рал полис.
Багьа – ацIазарда къуруш. Миннува ххюазарда къуруш гьарцаннахлу дуллалиссар «Гъази-Гъумучи» фондрал, ххюазарда къуруш – цала.

Фондрал мукунма щаллусса багьа буллалиссар ятинсса ва ахIвал кIюласса кулпатирттавасса оьрчIахлу. Гьарца группалува ххю-ххюя оьрчIан. ЦIухху-бусу бан оьвчин бюхъайссар ва номерданий: 8 (906) 450-27-86

Читайте также: