Дагъусттаннал Виваллил иширттал министерствалул хьхьичI хху­ттайн лавсъсса масъала бур террористурал кьюкьравуминнан арцуйнусса кумаг баврин ххуллу кьукьинсса чаран лякъаву.

---

Террористуран арцуйнусса кумаг баврин ккаллиссар террористурал организациялун кумагран арцу ратIаву, дулаву, АьФ-лул УК-рал 205, 205.1, 205.2, 205.3, 205.4, 205.5, 206, 208, 211, 220, 221, 277, 278, 279 ва 360 статьярдайн дагьай­сса тахсиркаршиву дан яра­гъуннищалсса кьюкьран, тахсиркартурал ккурандалун арцу дулаву.
Полициялул зузалтрал хъуннасса даву дуллай бур цайми билаятирттайсса дяъвилул иширттавух гьуртту хъанахъисса закондалуцIун къабавкьусса ярагъуннищалсса кьюкьравуминнан арцуйнусса кумаг буллалавриясса информациялул хъирив лаян.
ТIайла дуклай бур банк­рал идарарттайн тIалав­шиннарду, мудан дуллай бур му мурадрай счетру иш­­ла дуллайвагу бакъарив кIул бансса мониторинг. Му бакъассагу, хъунн­сса ялув бацIаву дуллай бур коммерциялул идарарттай, шикку зузисса инсантурал яра­гъуннищалсса кьюкьравуминнан кумаг буллайвагу бакъарив кIул бан.
Шин дайдирхьуния шихуннай сияхIрайн ларсун дур 6 тахсиркаршиву, 4 иш бур АьФ-лул УК-рал 208-мур статьялул 1-мур бутIуйн багьайсса (закондалуцIун къадаркьусса ярагъуннищал­сса кьюкьри сакин даву ягу миннуву гьуртту шаву), 2 иш бур АьФ УК-рал 205.1 статьялул 4-мур бутIуйн багьайсса (терроризмалул иширттацIун кабакьу). Ашкара дурну дур кIира тахсиркаршиву, судрайн тIайла дурккун дур 1. Террористуран арцуйнусса кумаг був­сса инсантурай 50 азарда къурушрая 1 миллиондалийн дияннин­сса аьчIа дишайссар, мукунсса идарартту 90 гьантлийсса лакьай­ссар, муницIун 10 азарунния 50 азаруннийн дияннинсса аьчIа дишайссар ягу идаралул хъунама 1 шиная 3 шинайн дияннинсса чIумуй къуллугърая укьан айссар.
Вава статьялийн бувну, идарарттай 10 миллиондалия 60 миллиондалийн дияннинсса аьчIа дишайссар, террористурал кьюкьран ялув кIицI лавгсса статьярдайн дагьайсса тахсиркаршивуртту дан арцуйнусса кумаг бувну бухьурча.

ДР-лул МВД-лул пресс-служба

ХIадур бувссар
А. Аьбдуллаевал