[dropcap]Д[/dropcap]агъусттаннал МВД-лул Информациялул центрданул къайгъурдавасса ца бур муша­къатсса ва бюхъу чансса инсантуран паччахIлугърал хIаллихшиннарду даву – аьркин дагьлагьисса справкарду дулаву (танмихIрайн кIункIу аврил-къааврил хIакъиравусса, политикалул репрессиярттахьхьун биривминнал реабилитациялул хIакъиравусса, дазул кьатIув нани­сса документирттай печать бищаву ва м.ц.). Мукунсса инсантуран бучIан-гьан захIмат къахьуншиврул МВД-лул къатравун буххайсса кIанттурдай дирхьуну дуссар пандусру, мухIулттив, мукунма Информациялул центрданул зузалайн оьвчайсса кнопкартту.

[dropcap]Б[/dropcap]ухкIуллуву дуссар гьартану тIитIайсса нузру. Администрациялул къатрачIа дуссар мукунминнансса парковка ва Центрданул зузалайн оьвчайсса кнопка. Агьали кьамул байсса залдануву дуссар паччахIлугърал хIаллихшиннарду даврил хIакъиравусса Бройллул шрифтрайсса информация. Мукунна икьрал дурну дуссар, чIу къабаяйсса инсантал кьамул буллалисса чIумал, сурдопереводчик учIансса.
Цаппара паччахIлугърал хIаллихшиннарду дан – справка дулун, официал документирттай печать (апостиль) бищун, политикалул репрессиярттахьхьун биривминнал реабилитациялул чагъар булун, виваллил иширттал органнал архивравусса документирттал копияртту ва выпискарду дулун, Информациялул центрданул зузалт шаппа-шаппайгу лагайссар.

ЖучIан оьвчин бюхъайссар вай телефоннавух:
8(8722) 99-48-99; 98-49-00; 98-47-99;
8(8722) 99-44-15; 99-46-35.
ДР-лул МВД-лул
Информациялул центр

ХIадур бувссар
А. Аьбдуллаевал