[dropcap]Я[/dropcap]нварь зурул 30-нний Дагъусттаннал региондалийсса «Единая Россия» партиялул председатель Дмитрий Медведевлул кьамул бай къатлуву ва ххуллух 9 инсан кьамул унниАьрасатнал ПаччахIлугърал Думалул депутат Аьвдулмажид МахIрамовлул.
Имара Саидова
[dropcap]М[/dropcap]ахIачкъалалив ялапар хъанахъисса Пакият Кьадиева бувкIун бия, шагьрулул 27-мур оьрчIал багъравун арснал душ кьамул бан кумаг бара тIий. Ванил бувсунни душ, байхтува, оьрчIал багъравун кьамул буллалисса сияхIрай бивхьуну бунагу, ванийн цукунчIав яржа биллай бакъашиву. Депутатнал цала кумагчинайн тапшур бунни шагьрулул КIулшиву дулаврил управлениялийхчIин ва масъала ци сававрай лахъи лаган буллай бурив кIул бан.
УнцIукIуллал райондалул Шамилкъала поселокраясса МахIаммад АьлихIажиев увкIун ия шяраваллил хозяйствалун биян бувсса заралданухсса компенсация тIалав баврил хIакъиравусса масъалалул ялув. Ванал бувсунни Ирганайлийсса ГЭС бувсса чIумал агьалинал къатта-къуш, хъу-лухччи щиналун ларгшиву ва хIакьинусса кьинигу бивсса заралданух вайннан багьайсса хIакь буллай бакъашиву. МахIрамовлул махъ буллунни ва масъалалул хIакъираву Федерал министерствардайн увккун, миннащал цачIуну хIукму ккаккан.
Гумбетуллал райондалул Данух шяраваллил бакIчи МахIаммад Кьурбанаьлиевлул масъала бия оьрчIал багъ тIитIин кумаг баврил чIарав бацIияра тIисса. Депутатнал, ва хъинну агьамсса масъала бушиву хIисавравун лавсун, шайсса кумаг бан ва чIарав ацIан хIадурну ушиву бувсунни.
ДепутатначIан мукунма бувкIун бия ихтияр дуруччай органнал зузалтрал даврил, къатта-къушлил шартIру къулай даврил, шяраваллил хозяйствалул давуртту сакин даврил ва цаймигу масъаларттал хIакъираву кумаг баву тIалав буллалисса агьали.
Ва кьини цачIанма вихшалдарай бувкIсса агьалинан депутатнал ккавккунни хасъсса маслихIатру ва шикку гьаз бувсса масъалартту лавсунни цала аякьалийн.
