[dropcap]Я[/dropcap]нварьданул 10-нний ДР-лул ХIукуматрал Председательнал кIанайма Аьбдуссамад ХIамидовлул каялувшиврулу хьунни оперативсса батIаву.Муний ххал бивгьунни цаппара агьамсса масъалартту – ларгсса шинал ДР-лул ХIукуматрал дурсса давурттал ва гьашину дузрайн буккан бансса масъаларттал хIакъиравусса.
Цалчин ххал бивгьунни «2016-2025 шиннардий АьФ-лул субъектирдавусса школардаву цIусса кIанттурду дузал бан кумаг баву» тIисса социал программалул масъала ва «2013-2020 шиннардий оьрчIру садикирттай дуккин баврил давуртту лядуккан даву» тIисса подпрограммалул масъала.
Аьбдуссамад ХIамидовлул бусаврийн бувну, ми программарттал лагрулий Дагъусттаннай бувну бур 7 школа. ЦIанасса ппурттуву миннувасса цаппара кьай-кьуйлул дузал буллай бур, цаппарасса хIадурну бур зий байбишин.
БатIаврий ххал бивгьунни «НигьачIаву дакъасса шагьру» («Безопасный город») тIисса проект дузрайн дуккан даврил масъала.
Ххал бивгьунни мукунма 2018 шинал республикалий проектрал давуртту сакин даврил хIакъиравусса масъалагу, республика газрал щаллу даврил масъалагу.
БатIаврий ихтилат хьунни 2017 шинал республикалул хIукуматрал дурсса давурттал хIасиллал хIиса-китав (отчет) хIадур даврил хIакъиравугу.

ХIадур бувссар
ХI. Аьдиловлул