[dropcap]В[/dropcap]ай гьантрай Костромуллал областьрал губернатор Сергей Ситниковлул оьвкуну, ЦIуссалакрал райондалул делегация бивунни Буйский райондалийн.

А. Аьбдуллаева
[dropcap]Х[/dropcap]ьунабакьаврий ххал бивгьунни кIирагу райондалул дянивсса экономикалул ва культуралул дахIавуртту цIакь даврил, шяраваллил хозяйство хьхьичIуннай даврил масъалартту. Буйский райондалий ЦIуссалакрал райондалул вакилтал бивунни «Воскресенский сыродел» ООО-лийн, мукунма Буйскаллал химиялул заводрайн. Ва бур Аьрасатнаву ца яла хъунмамур ххяххиярттан­сса хасъсса оьргъашивуртту дай­сса завод.
Хъамаллурал ххал дунни Буйскаллал райондалийсса культуралул ва тарихрал гьайкаллу. Мукунма вай бивунни искусствалул школалийн ва Нечаевлул цIанийсса 1-мур школалийн.
Ва аьрххилул лагрулий, губернатор Сергей СитниковлучIасса хьунабакьаврий, ЦIуссалакрал райондалул бакIчи М. Айдиевлул ва Буйский райондалул бакIчи А. Александровлул икьрал дунни кIирагу райондалул дянив уссурвалшиврийсса дахIавуртту дан, машлул ва экономикалул, элмулул ва техникалул, гуманитар ва культуралул арардаву хIала-гьурттуну зун.