[dropcap]Н[/dropcap]оябрь зурул 23-нний Щалвагу Аьрасатнал паччахIлугърал юстициялул университетрал Ух­ссавнил Ккавкказуллал рал студентътал Грознайлий хьунабавкьунни Чачаннал бакIчи Рамзан Кьадировлущал.

[dropcap]Р[/dropcap]еспубликалийсса оьрмулия, лавгмуния ва хIакьинусса тагьардания, экономика сантирай ва лябукку буну хьхьичIуннай гьаз шаврия, диндалия, низамрая, инсаннал ихтиярду дуруччаврия, Аьрасатнаву цинявгу миллатру ва динну личIи къадуллай яхьун аьркиншиврия хьунни миннал ихтилат. Рамзан Кьадировлул бувсунни цува ххари увшиву Дагъусттаннал студентътал дунияллий хъанахъимуния хавар бусса, чантI кусса, кIулшивуртту куртIсса бушиврул.
«Дагъусттаннал ва Чачаннал жагьилтал ччя-ччяни кувннащал кув хьунабакьлай, цачIу щябикIлай, бизлай бушиврия, спортрал, культуралул мероприятияртту, элмий­сса конференцияртту уртакьну дуллай бушиврия на ххарину ура, минная Аьрасатнал хIакьсса патриотътал хьунтIишиврийгу дакI дарцIуну ура», — увкунни Рамзан Кьадировлул.
Жагьилтал хьунабавкьунни чачаннал жагьилтурал ишир­тталсса буллалисса министр Ися Ибрагьимовлущалгу. Ванащал­сса хьунабакьаврийгу гьаз бунни кIивайннанмагу аьмсса ва хайр­сса масъалартту. Министерствалул дагъусттаннал студентътал экскурсиялий Грознай шагьрулувух бу­ккан бунни, музейрдавун, мизитир­ттавун бувцунни. Ва аьрххи Дагъус­ттаннал ва Чачаннал жагьилтурал дусшиврул арарду цIакь дуллали­сса давуну хьунни.